കുറെ കാലമായി ഞാന് എന്തെങ്കിലും എഴുതണമെന്നു കരുതുന്നു.പിന്നെ തിരഞ്ഞെടുപ്പും മറ്റുമെല്ലാം ആയതിനാല് കുറെ വിഷയങ്ങള് എഴുതാനുമുണ്ടായിരുന്നു. പക്ഷെ സമയം.... അതാണ് പ്രശ്നമുണ്ടാക്കിയത്...എന്തായാലും നമ്മുടെ ഭാരതം ഭരിക്കാന് പറ്റിയ ആളുകള് ഇവിടെ ഉണ്ട് എന്നു നമുക്കു മനസ്സിലാക്കാന് ഈ തിരഞ്ഞെടുപ്പില് സാധിച്ചു. പരസ്പരം എതിര് സ്ഥാനാര്ഥികളുടെ യോഗ്യതകളെക്കുറിച്ചു വാ തോരാതെ സംസാരിക്കുന്നതു കണ്ടപ്പോഴേ എനിക്കു മനസ്സിലായി ഇവര് തന്നെ യോഗ്യര് (പട്ടിണിപ്പാവങ്ങളുടെ ഇന്ത്യ എന്നു എല്ലാവരും പറയാറുണ്ട്... എനിക്കിതുവരെ അതു മനസ്സിലായിട്ടുണ്ടായിരുന്നില്ല. തിരഞ്ഞെടുപ്പ് അടുത്തതോടെ അതും മനസ്സിലായി).സ്വന്തം പേരില് അഞ്ചു ചില്ലിക്കാശില്ലാത്ത രാഷ്ട്രീയക്കാരെ നമ്മുടെ ഭാരതത്തെ മുന്നോട്ടു നയിക്കാന് പറഞ്ഞയക്കണമെന്ന്....?ചില പാവങ്ങളുടെ കയ്യില് അരിവാങ്ങാന്പോലും കാശില്ല... അതിനാല് കുട്ടപ്പായി ഒരു ബക്കറ്റ് പിരിവ് തുടങ്ങിയിട്ടുണ്ട്. രാഷ്ട്രീയക്കാര്ക്ക് കഞ്ഞികുടിക്കാനായി.... (കഞ്ഞിപ്പിരിവ്) എല്ലാവരും ഉദാരമായി സംഭാവന നല്കുക.
ചിലരുടെ ആസ്തി കണ്ടിട്ട് എനിക്കു ബോധം പോയില്ലെന്നേ ഉള്ളു...എങ്ങനെയാണാവോ? അവര് ഇതൊക്കെ ഉണ്ടാക്കിയത്. പാരന്പര്യമായി കിട്ടിയതായിരിക്കും.! അല്ലാതെങ്ങനാ?
ചിലരുടെ കയ്യില് കോടികള്, മറ്റുചിലരുടെ കയ്യില് ഒന്നുമില്ല.....
സത്യം ദൈവത്തിനേ അറിയൂ....
(ഇതിനിടയില് ചില ആദര്ശ ധീരരായ രാഷ്ട്രീയ നേതാക്കളും ഉണ്ട്... കുട്ടപ്പായി അവരെ ഉദ്ദേശിച്ചല്ല ഇതുവരെ പറഞ്ഞത്... അങ്ങനെ തോന്നുന്നുവെങ്കില് ദയവായി ക്ഷമിക്കുക).
എന്റെ ദൈവമേ..... അവര് പുറത്തുവിട്ടതിലും അധികം എത്ര അവരുടെ കയ്യിലുണ്ടാകും.എല്ലാവരും വയസ്സു കുറച്ചല്ലേ പറയൂ... അതുപോലെ രാഷ്ട്രീയക്കാര് അവരുടെ ആസ്തി കുറച്ചേ പറയൂ... എന്നു എന്നോട് ഒരു വയോധികന് പറഞ്ഞു.
എന്തായാലും തിരഞ്ഞെടുപ്പു കഴിഞ്ഞാലും അവരെ മണ്ഡലത്തില് കണ്ടാല് മതിയായിരുന്നു.... കാണുമായിരിക്കാം... ജയിച്ചാല് പ്രകടനത്തിനും തോറ്റാല് മണ്ടലത്തിലാണ് വീടെങ്കില് അവിടെയും....
1 comment:
:)
Post a Comment